Across the Universe

Rainbowarriors

2008-05-08T12:12:00.000-07:00

Síðasta helgi var best.
Hilma og Viðar komu í sveitina og við undirbjuggum afmælið hans pabba allan föstudaginn og laugardaginn, skreyttum allann salinn, æfðum atriðin okkar og undirbjuggum matinn.
Húsið okkar var fullt af skyldfólki sem gisti hjá okkur.
Veislan var frábær, salurinn fylltist á slaginu hálf níu ca 240 manns.
Tók nokkur hundruð myndir sem ég set inná mæspeis um helgina.

Nú er allt orðið rólegt, góða hversdagslífið.
Skruppum til Dalvíkur í gær í smá bíltúr í góða veðrinu og í sund með Eyþóri Inga, ég gafst upp eftir þrjá klukkutíma í pottinum.
Anna Margrét skvísa kynnti mig fyrir svo góðri hljómsveit í gær, hafði oft heyrt um hana en aldrei hlustað á hana. Coco Roise ! Fór á Amtsbókasafnið og náði í þennann disk og hann fær að vera í græjunum næstu daga ! + Bright Eyes líka.
Er að fara á Pink Floyd tribute tónleika.
bæjó.

Living proof

2008-04-30T15:56:00.000-07:00

Stjórnarskiptin voru í dag í skólanum.
Ég er svo stolt af Benjamín, nýja formanni skólans, og Bippa og Böbba og bara öllum því þau eiga eftir að standa sig svo vel næsta ár. Við stelpurnar voru bara í spennufalli í gær eftir kosningaúrslitin og svo felldum við smá tár í dag þegar Benjó hringdi bjöllunni. Þetta var bara svo emotional moment. Þau eru svo sæt.

(mynd tekin af ma.is)

Fór heim í sveit í dag og við erum á fullu að undirbúa stóra veislu sem verður í Ýdölum á laugardaginn, pabbi gamli á stórafmæli. Matur og vín, ræður og söngur og rosa gaman.
Fannar kæró fór til Rvk að keppa í handbolta, úrslitaleikur. ég sakna hans, nú er ég á því tímabili sem ég get ekki verið án hans. sem er bögg því við verðum aðskilin í tæpa þrjá mánuði í sumar. Hann verður í Garðabæ og ég heima í sveitinni. Ég hlakka bara bara ekkert til sumarsins.

Mig vantar svo eitthvað nýtt og gott til að hlusta á. einhverjar hugmyndir ?

bjútí

2008-04-27T05:16:00.000-07:00

Hæhó.

Við skelltum okkur suður þarsíðustu helgi til að sjá goðið okkar, Rufus Wainwright.
Þetta voru klárlega bestu tónleikar sem ég hef á æfinni farið á, sátum á næstfremstabekk í miðjunni og ef ég hefði teygt hendina fram þá hefði ég næstum því getað snert hann.
Hann söng öll uppáhaldslögin mín og eitt nýtt lag og ég er enn með stjörnur í augunum.
Mest kósý tónleikar í heimi.
Eyþór Ingi bauð okkur svo að koma á þáttinn sem hann var í, BAndið hans Bubba og það var ótrúlegt. Mana ykkur bara að horfa á þetta myndband http://youtube.com/watch?v=bXWLOKqrlYI
Frábært að fá stemninguna svona beint í æð en auðvitað vann Eyþór síðasta föstudag og er orðinn algert celeb. Það er ekki hægt að fletta blaði nema það sé viðtal eða mynd af honum. Hann er svo mikið æði.
TopShop átti líka allann min hug þessa helgi enda verslaði ég fyrir alltof mikinn pening. Eins gott að ég fer ekki oftar til reykjavíkur þennann vetur.

Annars snúast þessir dagar um íbúðaleit fyrir næsta vetur, við erum orðin þreytt á vistinni og langar að leygja okkar eigin íbúð næsta vetur. Ég bara kann ekki að vera svona fullorðin svo þetta á allt eftir að koma í ljós.
Svo er afmælið hans pabba gamla á laugardaginn og von er á 250 manns ! svo það er nóóóg að gera.

nú verð ég sko dugleg að blogga næstu daga. yeah

páskar?

2008-03-11T05:33:00.000-07:00

Ekki nema þrír dagar í páskafrí og ég hlakka svo mikið til.
Hlutir sem þarf að gera fyrir páskafrí:
- klára heimspekiritgerð með Ingu Dís
- klára skýrslu í uppeldisfræði
- Klára heimasíðu um Leonard Cohen í Tónlist&Menning
- Fara í myndatöku fyrir skólablaðið
- Helst koma flautunni minni í viðgerð

Það sem ég ætla að gera í páskafríinu:
- Borða páskaegg
- Kúra í sveitinni með kæró
- Fara í jarðböðin og tjútta í Mývatnsveit með nýju myndavélina.
- Bjóða Bjarna á rúntinn.
- Leika við Jóa bróður sem er á leið heim frá Svíþjóð
- Taka fullt af myndum
- Fara á snjóbretti
- Sofa mikið og læra ekkert
- Æfa mikið fyrir próf í tónó.

7. Mars

2008-03-06T13:30:00.000-08:00

Jey.
Sáuð þið GettuBetur ?
Held ég hafi aldrei verið jafn spennt yfir einni keppni.
Ég hef aldrei farið á GettuBetur, bara alltaf séð í sjónvarpinu, Ég er ekki mikið fyrir rútuferðir.
en kannski ég fari næst. Held að við vinnum.
og já Anna Margrét, þú varst í nærmynd !

Ég, Fannar og Eyþór Ingi erum að fara á tónleika með þessum sæta gæja eftir nokkrar vikur.
Keyptum miða fyrir nokkrum mánuðum og allavega ég er orðin rosa spennt.

Afmælisdagur í dag.
En ein af tveimur uppáhaldssystur mínum á afmæli í dag og er því orðin tuttuguogeitthvað ára gömul.
og svo á Rúnar bróðir Fannars líka afmæli í dag !
til hamingju

Kisses

2008-03-01T14:06:00.000-08:00

Hæ.

Fannar á afmæli á morgun og ég er ekki búin að kaupa gjöf. Ömurleg kærasta ?
En hann fór suður í dag því þeir komust í bikarúrslit í handboltanum og eru að keppa á morgun í Laugardalshöllinni svo ég fæ allann morgundaginn til að finna eitthvað fallegt.

En annars erum við að fara að fjárfesta í myndavél, erum reyndar búin að vera að plana þetta síðan um jólin. Getum bara ekki ákveðið hvernig vél, með hvernig linsu og hvar við eigum að kaupa hana. Reiknum með að kaupa hana úti þar sem hún er tugum þúsundum ódýrari þar en aftur á móti missum við ábyrgðina. Þetta er búið að vera endalaust vesen.

En ég er farin að lesa mockinbird....eða horfa á aladdin.

New Soul

2008-02-23T01:59:00.000-08:00

Hæ.

Það leiðinlegasta sem ég geri er að keyra milli Akureyrar og heim.
Keyrði heim í gær til að horfa á litlu systur syngja, keyri svo aftur til akureyrar á eftir til að spila á tónleikum og svo aftur heim því ég er að kenna stúlku í sveitinni smá á flautuna.
keyri keyri keyri.

En ég er að spila á svokölluðum minningar og styrktartónleikum í Ketilhúsinu.
Til minningar um stelpu sem var í tónlistarskólanum á Akureyri en varð fyrir lest í London þar sem hún var í tónlistarskóla, aðeins 18 ára. Sorglegt.

Eyrnarkonfekt dagsins : Hljómsveitin Zero7

já þú

2008-02-19T10:38:00.000-08:00

Hææ..
Jú ég er farin að blogga aftur, erfitt að skilja sig við þetta drasl.
Veit samt ekki um marga sem munu koma með til að lesa þetta, nema auðvitað hún mamma.
Hún er hætt að nenna að hringja í mig, vill bara lesa um mig. nei djók.
....
... ég er strax komin með ritstíflu...
góð byrjun....

En ég er að fara til Rhodos í útskriftarferð á afmælinu mínu !. jibbíjey.
10 dagar í sólinni með 150 drukknum skólafélögum.
Ég hlakka til.

En verið dugleg að kommenta.
luv. Anna

Nýtt Blogg

2008-02-18T12:53:00.000-08:00

Er þetta ekki fínt ?